Azərbaycan da Türkiyə kimi həm Türk dünyasında, həm də islam aləmində lokomotiv rolunu oynayır.

Bunu “Report”un Türkiyə bürosuna açıqlamasında ölkənin hakim Ədalət və İnkişaf Partiyasının (AK Parti) sədr müavini, Ankara millət vəkili və Türk Dövlətləri ilə Əlaqələr qurumunun rəhbəri Kürşat Zorlu bildirib.

Bu yaxınlarda Prezident Rəcəb Tayyib Ərdoğanın rəhbərlik etdiyi heyətlə Xankəndidə keçirilən İqtisadi Əməkdaşlıq Təşkilatının (ECO) Zirvə toplantısında iştirak etdiyini vurğulayan K.Zorlu Azərbaycanın Türk və islam və dünyasını bir araya gətirməsini təqdir edib.

“Bu, bir daha sübut etdi ki, Azərbaycan da Türkiyə kimi həm Türk dünyasında, həm də islam aləmində lokomotiv rolunu oynayır”, - o vurğulayıb.

K.Zorlu əlavə edib ki, Türk Dövlətləri ilə Əlaqələr qurumu digər Türk dövlətlərində də yaradılsa, Türk dünyası daha da yaxınlaşar:

"Bu qurum Türkiyə Prezidenti Rəcəb Tayyib Ərdoğanın tövsiyələri ilə yaradılıb. Biz Türk dünyasının güclənməsinə çox böyük önəm veririk. AK Parti nəzdində Türk Dövlətləri ilə Əlaqələr qurumunun yaradılması ilə həm də Türk dövlətlərindəki hakim partiyaların, eləcə də xalqların bir-biri ilə əlaqələri daha da yaxınlaşacaq".

Qeyd edək ki, bu gün Ankarada TDT-yə üzv və müşahidəçi ölkələrin mədəniyyət və turizm nazirlərinin, həmçinin müvafiq nümayəndə heyətləri rəhbərlərinin 10-cu toplantısı keçirilib.

Oxşar xəbərlər

Alparslan Türkeşin qızı: Türkiyə və Azərbaycan türk dünyasında əlaqələrin möhkəmlənməsində lokomotiv rolunu oynayır

Türkiyə Ali Təhsil Şurasının sədri: Ortaq universitet bütün türk dünyası üçün nümunə ola bilər

AKP rəsmisi: Zəngəzur dəhlizi ilə bağlı birgə səylərimiz türk dünyası üçün tarixi prosesdir

Macarıstan türk dünyası ilə Avropa arasında ənənəvi sərhədləri aşan dialoq üçün qapı rolunu oynayır

Ərdoğan: TDT sammitinin iştirakçıları türk dünyasını qorumaq əzmindədir