ABŞ Cənubi Qafqazda uzun müddətdir gözlənilən sülh, sabitlik və rifahın qurulmasına fundamental töhfə verəcək.

"Report" erməni KİV-ə istinadən xəbər verir ki, bu barədə Ermənistanın baş naziri Nikol Paşinyanın ABŞ-nin Müstəqillik Günü münasibətilə ölkə Prezidenti Donald Trampa ünvanladığı təbrik məktubunda deyilir.

"Münaqişələrin dayandırılması və dünyada sülhün qurulması ilə bağlı baxışınızı yüksək qiymətləndirirəm. Ümid edirəm ki, sizin rəhbərliyiniz altında ABŞ Cənubi Qafqazda uzun müddətdir gözlənilən sülh, sabitlik və rifahın qurulmasına fundamental töhfə verəcək", - məktubda qeyd olunub.

N.Paşinyan vurğulayıb ki, Ermənistan "hökumətin suverenlik, ərazi bütövlüyü, beynəlxalq səviyyədə tanınmış sərhədlərin toxunulmazlığı prinsiplərinə, eləcə də regional infrastrukturun açılmasına əsaslanan sülh gündəliyinə dəyişməz sadiqliyini" təsdiqləyir.

O qeyd edib ki, İrəvan ABŞ ilə strateji tərəfdaşlığın dərinləşdirilməsinə və qarşılıqlı maraq doğuran bütün sahələrdə əməkdaşlığın genişləndirilməsinə böyük əhəmiyyət verir.

Oxşar xəbərlər

Paşinyan: Ümid edirik ki, Cənubi Qafqazda sülh ABŞ üçün prioritet olacaq

Paşinyan: Cənubi Qafqazda dini dözümlülüyün yaxşı ənənəsi formalaşıb

Paşinyan: “İrəvan qısa zamanda sülh müqaviləsi ilə bağlı Azərbaycanın təkliflərinə cavab verəcək”

TDT: Azərbaycanın tərəfdaşlıq və inteqrasiyaya töhfəsi regionda sülh üçün mühüm rol oynayıb

Türkiyənin vitse-prezidenti: Ümid edirəm ki, Milli Məclisə keçirilən seçkilər regionda sülh və sabitliyə töhfə verəcək