Rusiya və Çin nüvə dövlətlərini Soyuq Müharibə tərzi hərəkətlərindən əl çəkməyə və problemləri dialoq yolu ilə həll etməyə çağırır.

Sizinxeber.az-nın Moskva müxbiri xəbər verir ki, bu barədə Kremldə keçirilən Rusiya prezidenti Vladimir Putin və Çin lideri Si Cinpin danışıqlarının yekunlarına dair birgə bəyanatda bildirilib.

Bəyanatda Rusiya və Çin liderlərinin dünyada nüvə münaqişəsi risklərinin artdığını qeyd etdikləri vurğulanıb: "Rusiya və Çin bəzi dövlətlərin "birgə nüvə missiyaları" və "genişlənmiş nüvə qarşısının alınması" sxemlərinin işlənib hazırlanmasına yönəlmiş hərəkətlərini təxribat xarakterli hesab edir.

Bəyanatda həmçinin Ukrayna münaqişəsinə də toxunulub. Qeyd olunub ki, Ukrayna böhranının davamlı həlli üçün onun əsas səbəblərini aradan qaldırmaq lazımdır:" Rusiya və Çin Ukraynada sülhün bərqərar olması üçün bütün səyləri dəstəkləyir".

Bundan başqa, bəyanatda Moskva və Pekinin Vaşinqtonun Rusiya və Çinə qarşı “ikiqat qarşısını almaq” kursuna qəti şəkildə qarşı çıxmaq üçün qarşılıqlı fəaliyyəti artırmaq və koordinasiyanı gücləndirmək niyyətində olduğu bildirilib.

Vurğulanıb ki, ABŞ-ın “Qızıl Qübbə” proqramı dərindən qeyri-sabit xarakter daşıyır və bu, kosmosda silahların yerləşdirilməsinə və onu silahlı qarşıdurma meydanına gətirib çıxara bilər:"Rusiya və Çin kosmosda silahlanma yarışının qarşısının alınmasına zəmanət verən çoxtərəfli alətin yaradılması üzrə danışıqlara başlanmasının tərəfdarıdır. Rusiya və Çin ABŞ və müttəfiqlərinin hərbi bioloji fəaliyyətindən narahatdırlar və onların dayandırılmasını tələb edirlər.

Rusiya və Çin Kimyəvi Silahların qadağan olunması təşkilatının nüfuzunu bərpa etmək və onun işini siyasətdən kənarlaşdırılmış texniki kanala qaytarmaq üçün tədbirlər görməyə çağırır. Rusiya və Çin Yaponiyanı ÇXR ərazisində qalan kimyəvi silahları mümkün qədər tez bir zamanda tamamilə ləğv etməyə çağırır. Rusiya Federasiyası “vahid Çin” prinsipinə sadiqliyini təsdiq edir və Tayvanın Çinin ayrılmaz hissəsi olduğunu qəbul edir.

Rusiya və Çin Yaxın Şərqdə vəziyyətin sabitləşməsinə çağırır və kəskin problemlərin siyasi və diplomatik tədbirlərlə həllinə tərəfdardırlar", deyə Putin və Cinpinin birgə bəyanayında qeyd olunub.

Oxşar xəbərlər

Putin: Rusiya ABŞ-ın yeni Administrasiyası ilə Ukrayna münaqişəsinə dair dialoqa açıqdır

Putin: Rusiya Ukraynadakı münaqişəyə son qoymaq üçün dialoq aparmağa hazırdır

Putin: Rusiya Ukrayna ilə bağlı danışıqlar masasına qayıtmağa hazırdır

Rusiya Prezidenti Vladimir Putin "Oreşnik"i köhnə silah adlandıranlara cavab verib

Lavrov: Yaxın vaxtlarda Ukrayna ilə bağlı tənzimləmə prosesi formalaşacaq