Rusiya Prezidenti Vladimir Putin Donald Trampı ABŞ Prezidenti vəzifəsinə başlaması münasibətilə təbrik edib.

Sizinxeber.az xəbər verir ki, Putin bu barədə Təhlükəsizlik Şurasının iclasında bildirib.

Putin Trampın və onun komandasına daxil olan şəxslərin bəyanatlarından onların Rusiya ilə birbaşa əlaqələrin bərpa olunması arzusunu gördüklərini deyib.

“Həmçinin, Trampın üçüncü dünya müharibəsinin başlanmasına imkan verməmək üçün hər şeyi etməyə hazır olması barədə bəyanatını eşitdik. Sözsüz ki, biz bu mövqeni alqışlayırıq”, - deyə o vurğulayıb.

Putin onu da əlavə edib ki, ABŞ və Rusiya arasında dialoq iki ölkənin mühüm rolu nəzərə alınaraq, bərabərhüquqlu və qarşılıqlı hörmət əsasında qurulmalıdır.

Qeyd edək ki, ABŞ-ın yeni seçilmiş Prezidenti Donald Trampın bu gün andiçmə mərasimi keçiriləcək.

Oxşar xəbərlər

Putin Trampı ABŞ Prezidenti seçilməsi münasibətilə təbrik edib

Putin Trampın təhlükədə olduğunu düşünür

Putin Trampla görüşməyə hazır olduğunu bildirib

Kreml: Putin Trampla təmaslara hazırdır

Putin strateji nüvə qüvvələrinin məşqini keçirib