Rusiya prezidenti Vladimir Putin Ukraynadan Donbası tərk etməyi, NATO-ya üzv olmaq ambisiyalarından əl çəkməyi, neytrallığı qorumağı və Qərb qoşunlarının ölkəyə buraxılmamasını tələb edib.

Sizinxeber.az xəbər verir ki, bu barədə “Reuters” Kremldəki mənbələrə istinadən məlumat yayıb.

Məlumata görə, bütün qapalı 3 saatlıq görüşdə ABŞ prezidenti Donald Tramp Putinlə Ukrayna ilə bağlı mümkün kompromisləri müzakirə edib.

Agentlik qeyd edir ki, Ukrayna hökuməti bu şərtləri rədd edərək, onları kapitulyasiyaya bərabər tutur.

Mənbələr əlavə edib ki, yeni təklifdə Putin Ukrayna Silahlı Qüvvələrinin Donbasda nəzarət etdikləri ərazilərdən tamamilə çıxarılması ilə bağlı köhnə tələbinə sadiqdir. Bunun müqabilində Moskva Zaporojya və Xerson vilayətlərində mövcud cəbhə xəttini dayandıracaq.

Mənbələrin məlumatına görə, Moskva mümkün sövdələşmə çərçivəsində Ukraynanın Xarkov, Sumı və Dnepropetrovsk vilayətlərinin işğal olunmuş hissələrini də təhvil verməyə hazırdır.

Putin həmçinin Ukraynanın NATO üzvlüyündən imtina etməsi və alyansdan şərqə doğru genişlənməmək, habelə Ukrayna ordusunun sayını məhdudlaşdırmaq və sülhməramlı qüvvələrin tərkibində Qərb qoşunlarının Ukrayna ərazisində yerləşdirilməməsi ilə bağlı müqavilə bağlamaq barədə qanuni öhdəlik alması ilə bağlı əvvəlki tələblərinin də üzərində təkidlə durur.

Oxşar xəbərlər

KİV: Putin atəşkəs müqabilində Ukrayna ordusunun Donbası tamamilə tərk etməsini tələb edib

KİV: Zelenski sülh müqabilində Donbas ərazisini Rusiyaya verməkdən imtina edib

KİV: Tramp deyib ki, Putin bütün Donbasa nəzarəti ələ keçirmək istəyir

Putin: Rusiya Ukraynadakı münaqişəyə son qoymaq üçün dialoq aparmağa hazırdır

Tramp: Düşünürəm ki, Putin və Zelenski Ukrayna münaqişəsinin həllinə razılaşacaqlar