ABŞ Konqresinin Nümayəndələr Palatasının qanunvericiləri Çinin "ByteDance" şirkətinə məxsus olan "TikTok" sosial şəbəkəsini qadağan edən qanun layihəsi hazırlayıblar.

“Report” xəbər verir ki, bu barədə "The Hill" qəzeti yazıb.

Amerikalıları xarici təcavüzkarlar tərəfindən idarə olunan proqramlardan qorumaq üçün qanun layihəsi respublikaçı Mayk Qallaher və Demokrat Raja Krişnamurti tərəfindən dəstəklənir.

Sənəddə "ByteDance" və "TikTok" xarici təcavüzkarlar tərəfindən idarə olunan proqramlar kimi adlanır.

Nəşrin məlumatına görə, qanun layihəsi Çin şirkətini "TikTok"dan imtina etməyə məcbur edəcək, əks halda bu platforma ABŞ-da qadağan oluna bilər.

Qeyd olunub ki, şirkət "TikTok"dan imtina etməsə, onun ABŞ-da "App" və ya digər platformalar vasitəsilə yayılması qeyri-qanuni olacaq və hətta istifadəçilərin onu yükləməsi qadağan ediləcək.

Sizinxeber.az

Oxşar xəbərlər

"TikTok" böyük məbləğdə cərimələnə bilər

ABŞ-də bu həftə İsrailə yardım haqqında qanun layihəsinə baxılacaq

“TikTok”er Ləman narkotikə görə həbs edilib?

Hacıbəy Heydərli: “TikTok”un ölkə ərazisində məhdudlaşdırılması tamamilə düzgün addımdır”

Azərbaycanda “TikTok”a giriş məhdudlaşdırıldı