Luiziana ştatından olan konqresmen Kley Higgins ABŞ Federal Təhqiqatlar Bürosunu (FTB) iyul ayında Pensilvaniya ştatının Batler şəhərində keçirilən mitinqdə respublikaçı Donald Trampa qarşı edilən sui-qəsdlə bağlı bioloji sübutları məhv etməkdə ittiham edib.

Bu barədə "The Daily Mail" qəzeti məlumat verib.

Nəşrin məlumatına görə, sui-qəsdin araşdırılması üzrə iki işçi qrupunun tərkibinə daxil olan Higgins, Trampa atəş açan Metyu Kruksun cəsədini görmək istəyib. Lakin onun bu müraciəti çaşqınlıq yaradıb və narahatedici bir faktı üzə çıxarıb.

Məlum olub ki, Kruksun cəsədi yoxa çıxıb. FTB sui-qəsddən 10 gün sonra onun cəsədinin ailəsi tərəfindən götürülməsinə icazə verib.

Higginsin hesabatında qeyd olunur ki, hamı cəsədin ailəsinə qaytarılmasından xəbərsiz olub. Onun sözlərinə görə, söhbət cinayət yerində bioloji sübutların məhv edilməsindən gedir.

BAKU.WS

Oxşar xəbərlər

WP: Məxfi Xidmət Trampa qapalı ərazilərdə mitinqlər keçirməyi tövsiyə edib

ABŞ kəşfiyyatında İranın Trampa sui-qəsd cəhdində iştirakı barədə məlumatı yoxdur

KİV: Trampa atəş açan şəxs sui-qəsd yerini dronla araşdırıb

ABŞ Konqresi Trampa sui-qəsd cəhdinin araşdırılmasını təsdiqləyib

ABŞ Məxfi Xidmətinin rəhbəri Trampa sui-qəsdə görə istefa verib