Fransa prezidenti Emmanuel Makron deputatların ölkənin inkişafına mane olacağı təqdirdə parlamentin növbəti buraxılmasının mümkünlüyünü istisna etmir.

"Report" xəbər verir ki, o, bunu Yelisey sarayı səhifəsində yayımlanan Nitsada keçirilən mətbuat konfransında bildirib.

Makron deyib: "Mən konstitusiya səlahiyyətlərindən imtina edənlərdən deyiləm. Əgər siyasi qüvvələr məsuliyyətsiz yol tutaraq ölkənin tərəqqisini əngəlləmək qərarına gəlsələr, ola bilsin ki, mən konstitusiyanın müddəalarına müraciət edim".

Fransa prezidentinin Beşinci Respublika Konstitusiyasının 12-ci maddəsinə uyğun olaraq ildə bir dəfədən çox olmayaraq Milli Assambleyanı (parlamentin aşağı palatası) buraxmaq hüququ var.

Əsas qanun dövlət başçısının parlamenti buraxmazdan əvvəl baş nazir və parlamentin hər iki palatasının spikerləri ilə məsləhətləşməsini tələb etsə də, o, qərarı tək qəbul edir. Növbəti dəfə prezident aşağı palatanı iyulun 7-dən sonra buraxa bilər.

Oxşar xəbərlər

Makron parlamentdə çoxluğu qazanmağa ümid edir

Makron Fransanın Baş nazirinin istefasını qəbul edib

“Bloomberg”: Makron parlamenti buraxmağı düşünür

Makron Putinin gələn il Fransaya dəvət oluna biləcəyini açıqlayıb

Makron ABŞ-yə qarşı cavab tədbirlərini istisna etməyib