Finlandiyanın müdafiə xərcləri hər il milyardlarla avro artacaq.

"Sizinxeber.az" xəbər verir ki, bunu Finlandiyanın Baş naziri Petteri Orpo “Yle”yə müsahibəsində bildirib.

"Hökumət artıq 2029-cu ilədək müdafiə xərclərini ÜDM-in üç faizinə qədər artırmağı planlaşdırır. Bu isə büdcənin hər il 1,5-2 milyard avro artması deməkdir", - “Yle” onun sözlərini sitat gətirib.

Finlandiyanın baş naziri müdafiə xərclərinin artırılmasının zəruriliyini Rusiyadan gələn daimi təhlükə ilə izah edib.

P.Orponun sözlərinə görə, bu artımı təmin etmək mümkündür, baxmayaraq ki, dövlət borcunun eyni zamanda artması ciddi problem olaraq qalır. Baş nazir xərclərin vergilərin artırılması və ya büdcənin azaldılması hesabına maliyyələşdirilməsini dəstəkləmir. O qeyd edib ki, müdafiə xərclərini maliyyələşdirməyin yeganə davamlı yolu iqtisadi artımı sürətləndirmək və məşğulluğu artırmaqdır.

Əlavə vəsaitlər, ilk növbədə, quru qoşunlarına, şərq sərhədinin müdafiəsinə və hava hücumundan müdafiə sisteminə yönəldiləcək.

Oxşar xəbərlər

Finlandiya Ottava Konvensiyasından çıxdığını elan edib

Ursula fon der Lyayen Aİ-nin müdafiə xərclərinin artırılmasını təklif edib

KİV: Fransada hökumət böhranı hərbi büdcənin artırılması planlarını alt-üst edir

Danimarkanın Baş naziri: Müdafiə xərclərini artıracağıq

İspaniya son 10 ildə hərbi xərclərini 70 % artırıb