Danimarka Müdafiə Nazirliyi 26-cı hərbi yardım paketi çərçivəsində Ukraynaya artilleriya qurğuları və mərmiləri üçün 4,2 milyard kron (təxminən 630 milyon dollar) ayıracaq.

"Report"un xarici KİV-lərə istinadən məlumatına görə, bu barədə Danimarka Müdafiə Nazirliyinin məlumatında deyilir.

"Sayca 26-cı ianə paketi 2025-2028-ci illər ərzində təxminən 4,2 milyard kron məbləğində hərbi dəstəyi əhatə edir və Ukrayna Fondu çərçivəsində hərbi dəstək və Avropa Sülh Fondundan (EPF) gəlirlərin kompensasiyası çərçivəsində maliyyələşdirilir", - nazirlik bildirib.

Dəqiqləşdirilir ki, hərbi yardıma artilleriya alayları, Çexiya təşəbbüsü çərçivəsində döyüş sursatları, qırıcı təyyarələr üçün avadanlıq, həmçinin təlim imkanlarının genişləndirilməsi daxil edilib.

Oxşar xəbərlər

Danimarka Ukraynanın HHM imkanlarının gücləndirilməsi üçün 293 milyon dollar ayıracaq

ABŞ Ukraynaya yeni hərbi yardım paketi ayırıb

İsveç Ukraynaya 1,6 milyard dollarlıq yeni hərbi yardım paketi verəcək

ABŞ Ukraynaya 1 milyard dollara yaxın hərbi yardım ayırıb

KİV: Aİ Ukraynaya 6 milyard avroluq hərbi yardım paketi hazırlayır