Avropa İttifaqı (Aİ) ABŞ-nin gömrük rüsumlarının tətbiqinin qismən dayandırılmasına baxmayaraq, cavab tədbirləri üzərində işləməyə davam edəcək.

“Report” xəbər verir ki, bu barədə Fransa prezidenti Emmanuel Makron “X” sosial şəbəkəsində yazıb.

O qeyd edib ki, tariflərin tətbiqinin 90 gün müddətinə dayandırılması danışıqlar üçün bir siqnal və açıq qapıdır, lakin bu fasilə kövrək olaraq qalır, çünki bu, bütün Avropa və ABŞ şirkətləri üçün qeyri-müəyyənlik dövrüdür. Avropanın məqsədi bu tariflərin ləğvi barədə razılığa gəlmək və ABŞ ilə balanslaşdırılmış sazişə nail olmaqdır.

"Avropa Komissiyası ilə birlikdə biz qətiyyət nümayiş etdirməliyik: Avropa bütün lazımi əks tədbirlər üzərində işləməyə, özünü qorumaq, o cümlədən bazarımızda tarazlığı pozan üçüncü ölkələrdən axının qarşısını almaq üçün bütün mövcud vasitələri səfərbər etməyə davam etməlidir", - E.Makron yazıb. O əlavə edib ki, Fransa buna hazırdır və Avropa da hazır olmalıdır.

Oxşar xəbərlər

Makron və Şolsdan Ukraynadakı cəbhəyə getmələri istənildi

Avropa İttifaqı ABŞ-yə qarşı əks tədbirlərin tətbiqini 90 gün müddətinə təxirə salıb

Makron: Rusiya bütün Avropa üçün təhdidə çevrilib

Makron ABŞ-yə qarşı cavab tədbirlərini istisna etməyib

Makron Putinin gələn il Fransaya dəvət oluna biləcəyini açıqlayıb