Panama Prezidenti Xose Raul Mulino ABŞ Prezidenti Donald Trampın Panama kanalı ətrafındakı vəziyyətlə bağlı fikirlərini təkzib edib.

“Sizinxeber.az” xəbər verir ki, Mulino kanal ətrafında yaranmış vəziyyətlə bağlı fikirlərini sosial şəbəkədə yazıb.

“Prezident Tramp yenə yalan danışır. Panama kanalına nəzarəti bərpa etməkdən söhbət getmir və bu, ABŞ Dövlət katibi Marko Rubio və ya bir başqası ilə hansısa danışıqlarda müzakirə olunmayıb”, - o deyib.

Mulino qeyd edib ki, iki ölkə arasında əməkdaşlıq qarşılıqlı maraq doğuran məsələlər üzrə razılaşmalar əsasında inkişaf edir və bunun nə kanalın ABŞ-a qaytarılması, nə də Panamanın milli suverenliyinə zərbə vurmaqla heç bir əlaqəsi yoxdur.

“Kanal Panamaya məxsusdur və Panamanınkı da olaraq qalacaq!”, - prezident əminliklə bildirib.

Xatırladaq ki, daha əvvəl Tramp Konqresdəki çıxışı zamanı ABŞ-nin Panama kanalına nəzarəti bərpa etmək üçün addımlar atmağa başladığını bildirmişdi.

Oxşar xəbərlər

Panama Trampın bəyanatları ilə bağlı BMT-yə şikayət verib

Panama Prezidenti Trampın su kanalı ilə bağlı iddialarını rədd edib

Prezident Mulino: Panama kanalı Panamanın nəzarəti altında qalacaq

Meksika Panama kanalı ilə bağlı mübahisədə Panamanı dəstəkləyib

Mulino Dövlət Departamentini Panama kanalı administrasiyasının qərarları haqqında yalan danışmaqda ittiham edib