Yunanıstanın Santorini adasında güclü zəlzələ zamanı insanların təhlükəsiz təxliyəsi üçün xüsusi liman yaradılacaq.

Bu barədə “Report” "Reuters"ə istinadən məlumat verib.

Santorinidə yanvarın sonundan bəri on minlərlə zəif zəlzələ qeydə alınıb, nəticədə minlərlə insan evlərini tərk etməyə məcbur olub, hakimiyyət tikintini qadağan edib, məktəbləri və yaxınlıqdakı adaları bağlayıb.

Ciddi dağıntılar barədə məlumat daxil olmasa da, alimlər daha güclü təkanların olmasını istisna etmirlər.

Mülki müdafiə naziri Vasilis Kikilias bildirib ki, Yunanıstan hakimiyyəti yeni liman infrastrukturunun tikintisi başa çatanadək sərnişin bərələrini təhlükəsiz qəbul edə biləcək təxliyə limanı inşa etməyi planlaşdırır.

"Hazırda Santorində inşa edilən yeni limanla yanaşı, adanın həmin hissəsində fövqəladə vəziyyət zamanı sərnişin bərələrinin yan ala biləcəyi təxliyə limanının yaradılması barədə qərar qəbul edilib", - o qeyd edib.

Oxşar xəbərlər

Santorini adasında zəlzələdən sonra məktəblər bağlanıb

Yunanıstanın Kiklad adalarında iki gündə 200 zəlzələ olub

Yunanıstan sahillərində yenidən güclü zəlzələ qeydə alınıb

Filippin və Yeni Zelandiya sahillərində güclü zəlzələlər olub

Papua-Yeni Qvineyada 5,4 maqnitudalı zəlzələ baş verib