Almaniya kansleri Olaf Şoltsun hökuməti təxminən 39 milyard avro həcmində silah ixracını təsdiqləyib ki, bu da sələfi Angela Merkelin dövründəkindən 65 % çoxdur.

“Report” xəbər verir ki, bu barədə “Deutschlandfunk” radio stansiyası məlumat yayıb.

KİV “Sara Vagenknext İttifaqı – ağıl və ədalət naminə” qrupundan olan Bundestaq deputatı Sevim Dağdelenin sorğusuna Almaniyanın İqtisadiyyat Nazirliyinin cavabını əks etdirən sənədi əldə edib.

2021-ci ilin oktyabrından 2024-cü ilin dekabrınadək təxminən 39 milyard avro həcmində ixrac təsdiqlənib. Əvvəlki qanunvericilik dövründə (2018-2021) bu göstərici 23,6 milyard avro təşkil edib. Avropa İttifaqına (Aİ) üzv olmayan ölkələrə silah tədarükü 10,8 milyard avrodan 25,5 milyard avroya qədər əhəmiyyətli dərəcədə artıb. Bu həcmin böyük hissəsi Ukraynanın payına düşüb.

Dağdelenin özü bu rəqəmləri şərh edərkən “mənəvi müflisləşmənin etirafı”ndan danışıb. Deputatın fikrincə, Almaniyanın xarici siyasəti diplomatik həll yolu əvəzinə silah tədarükü vasitəsilə hərbi münaqişələrin davam etdirilməsinə yönəlib.

Oxşar xəbərlər

Şoltsun dövründə Almaniyanın silah ixracı 65% artıb

Almaniya 2024-cü ildə Ukraynaya təxminən 8,1 milyard avro məbləğində silah tədarükünü təsdiqləyib

Almaniya 2024-cü ildə 13,3 milyard avroluq silah ixrac edib

Almaniya ilin birinci yarısında 5,6 milyard avro dəyərində silah ixracını təsdiqləyib

Almaniya bu il Ukraynaya təxminən 7,1 milyard avro məbləğində silah tədarük edib