Almaniyanın vitse-kansleri, iqtisadiyyat və iqlim mühafizəsi naziri, Yaşıllar Partiyasından kanslerliyə namizəd Robert Habek ABŞ Prezidenti Donald Trampın Kanada, Çin və Meksikadan idxal olunan mallara tətbiq etdiyi rüsumların ABŞ-də inflyasiyanın artmasına səbəb olacağını bildirib və qeyd edib ki, Avropa cavab tədbirləri görməyə hazırdır.

“Report” xəbər verir ki, o, bu barədə “Kölner Stadt-Anzeiger” qəzetinin təşkil etdiyi tədbirdə deyib.

"Avropalılar olaraq biz də cavab tariflərinə hazırıq", - Habek deyib. “Amerikalılar bilməlidirlər: bu, çox pis alternativdir”, - o əlavə edib.

Eyni zamanda, iqtisadiyyat naziri tariflərin ABŞ-də istehlakçılar və şirkətlər də daxil olmaqla inflyasiyanın artmasına səbəb olacağını vurğulayıb.

"Biz bunu amerikalılara aydınlaşdıracağıq: sizin də itirəcək bir şeyiniz var", - Habek fikirlərini yekunlaşdırıb.

Öz növbəsində Almaniya kansleri Olaf Şolts da ABŞ-nin dünya ticarəti üçün tətbiq etdiyi tariflərin nəticələri barədə xəbərdarlıq edib. "Qlobal mal və xammal mübadiləsi hamımıza firavanlıq gətirən böyük uğur hekayəsidir", - o, Britaniyanın Baş naziri Kir Starmer ilə görüşdə jurnalistlərə deyib.

Oxşar xəbərlər

Almaniyanın vitse-kansleri: 2018-ci ildən ölkə iqtisadiyyatında real artım yoxdur [xfgiven_updateblue][/xfgiven_updateblue]

Almaniyanın vitse-kansleri hakim koalisiyanın dağıldığını açıqlayıb [xfgiven_updateblue][/xfgiven_updateblue]

Vitse-kansler: Almaniyanın biznes modeli küncə sıxışdırılıb [xfgiven_updateblue][/xfgiven_updateblue]

Almaniya hökuməti iqtisadi böhrana görə parçalanma ərəfəsindədir [xfgiven_updateblue][/xfgiven_updateblue]

Almaniyanın vitse-kansleri Berlinin Kiyevə dəstəyini davam etdirəcəyini açıqlayıb [xfgiven_updateblue][/xfgiven_updateblue]