Finlandiya Prezidenti Aleksandr Stubb Ukraynaya 198 milyon avro dəyərində 27-ci hərbi yardım paketinin verilməsi barədə sərəncam imzalayıb.

“Sizinxeber.az” xəbər verir ki, bu barədə ölkənin Müdafiə Nazirliyi məlumat yayıb.

"Yardımın təhlükəsiz çatdırılmasını təmin etmək məqsədilə Müdafiə Nazirliyi onun dəqiq tərkibi, göstərilmə üsulu və ya qrafiki barədə təfərrüatları açıqlamır", - nazirliyin məlumatında deyilir.

Finlandiyanın Ukraynaya tədarük etdiyi hərbi texnikanın ümumi dəyəri 2,5 milyard avro təşkil edir.

Müdafiə Nazirliyinin məlumatına görə, yardım həm Ukraynanın ehtiyacları, həm də Müdafiə Qüvvələrinin resurs vəziyyəti nəzərə alınmaqla göstərilir.

Oxşar xəbərlər

Finlandiya MN Ukraynaya əlavə 277 milyon avro ayırmağı nəzərdən keçirir

Almaniya Ukraynaya 60 milyon avroluq hərbi yardım verəcək

İsveç Ukraynaya 1,2 milyard dollarlıq hərbi yardım paketini açıqlayıb

Litva Ukraynaya 5 milyon avro dəyərində PUA verib