Kolumbiya aviasiyası yanvarın 28-də ABŞ-nin deportasiya etdiyi respublika vətəndaşlarını vətənə daşıyacaq.

“Report” xəbər verir ki, bu barədə Kolumbiya Prezidenti Qustavo Petro sosial şəbəkədə bildirib.

“Həmvətənlərimiz səhər saatlarında Kolumbiya ərazisinə çatacaqlar. Onları aviasiyamız gətirəcək, qandalsız gələcəklər. Bu yanaşma – deportasiya edilənlərin ləyaqətinə hörmət – Kolumbiya vətəndaşlarını deportasiya edən bütün ölkələrə tətbiq ediləcək”, – Petro əlavə edib.

Xatırladaq ki, yanvarın 26-da Petro deportasiya edilən kolumbiyalıları daşıyan Amerika təyyarələrinin respublika ərazisində enmələrini qadağan etmək barədə sərəncam vermişdi. ABŞ Prezidenti Donald Tramp buna görə Kolumbiyadan idxal olunan mal və xidmətlərə 25 % gömrük rüsumu tətbiq edəcəyi ilə hədələmişdi. Kolumbiya lideri cavab rüsumları tətbiq etmək barədə sərəncam vermişdi.

Həmin gün sonra Kolumbiyanın XİN ABŞ ilə münasibətlərdə yaranmış dalana girmiş vəziyyətin həll edildiyini bildirdi. Respublika “deportasiya vəziyyətində qayıdan və hüquq subyekti kimi onlara layiqli şərait təmin edən” öz vətəndaşlarını qəbul etməyə hazırdır.

Oxşar xəbərlər

Kolumbiya ABŞ-dən deportasiya edilən vətəndaşlarını geri qaytarmaq üçün təyyarələr ayırıb

Qustavo Petro deportasiya olunan kolumbiyalıları daşıyan ABŞ təyyarələrini ölkəyə buraxmayacaq

ABŞ-yə etiraz Kolumbiyaya baha başa gəlib

Kolumbiya ABŞ-dən deportasiya edilən həmvətənləri üçün prezident təyyarəsi göndərəcək

Kolumbiya ABŞ mallarına rüsumlar tətbiq edəcək