Birləşmiş Ştatlar Qəzza zolağında atəşkəsə nail olmaq üçün fəal danışıqlar aparmağa davam edir.

"Report"un məlumatına görə, bunu ABŞ Dövlət Departamentinin mətbuat xidmətinin rəhbəri Metyu Miller brifinqdə deyib.

“Biz BMT Təhlükəsizlik Şurasının qətnaməsinin tələb etdiyi məqsədə, yəni dərhal atəşkəs və girovların azad edilməsinə nail olmağa çalışmaq üçün fəal danışıqlar aparırıq”, - o deyib. Eyni zamanda Miller qeyd edib ki, BMT Təhlükəsizlik Şurasının qətnaməsinin bu danışıqlara hər hansı təsir göstərə biləcəyini deyə bilməz, lakin qeyd edib ki, hazırda və ötən həftəsonu davam edən danışıqlar prosesində irəliləyiş əldə olunub.

"İsrailin müdafiə naziri Yoav Qalant buradadır, o, iki saat sonra dövlət katibi Entoni Blinkenlə görüşəcək. Mən bunun (İsrailin BMT Təhlükəsizlik Şurasının qəbul etdiyi Qəzzaya dair qətnaməsi ilə bağlı mövqeyi) görüşdə söhbət mövzusu olacağını gözləyirəm", - Miller bildirib.

Oxşar xəbərlər

ABŞ BMT-nin Qəzza haqqında qətnaməsi ilə bağlı məsləhətləşmələr aparır

Dövlət Departamenti: İrandakı partlayışlarda ABŞ və İsrailin əli yoxdur

Dövlət Departamenti: HƏMAS xəstəxanaları komanda məntəqəsi kimi istifadə edir

BMT TŞ Qəzzada atəşkəslə bağlı qətnamə qəbul edibb

İsrailin XİN başçısı: Girovlar azad edilənədək döyüşləri davam etdirəcəyik