ABŞ Ukraynaya Krıma daha effektiv zərbələr endirmək üçün yeni raketlər verəcək.

“Report” “NBC News”a istinadən xəbər verir ki, ABŞ Prezidenti Cozef Bayden administrasiyası bunun üçün çalışır:

“Keçən ilin sonlarında ABŞ Ukraynanı ATACMS raketləri ilə təmin etməyə başladı. Amma bunlar köhnə idi. ABŞ indi raketin yeni, daha uzunmənzilli versiyasını göndərməyə çalışır. Bu, Ukraynaya Rusiyanın nəzarətində olan Krım yarımadasından daha çox zərbə endirməyə imkan verəcək”.

ABŞ Müdafiə Nazirliyi (Pentaqon) isə bildirib ki, ölkənin məhdud sayda ATACMS raketi var: “ABŞ-nin ehtiyatını artırmaq üçün pul olmadan onları Ukraynaya göndərmək mümkün deyil”.

Eyni zamanda iki ABŞ rəsmisi bildirib ki, Konqres Ukrayna üçün maliyyələşdirmənin artırılmasını təsdiqləsə, ABŞ ilk hərbi yardım paketlərindən birinə uzunmənzilli ATACMS sistemlərini daxil edə bilər.

Rəsmilər ABŞ-nin müttəfiqlərindən Ukraynanı raketlərlə təmin etməyi və ATACMS təchizatını artırmağı istəyəcəyini istisna etməyib.

Nəşr xatırladır ki, Bayden administrasiyası son iki ildə Ukraynaya uzaqmənzilli raketlər göndərməkdən imtina edib. Belə ki, rəsmilər Ukrayna Silahlı Qüvvələrinin onlardan Krıma və ya Rusiyaya zərbələr endirmək üçün istifadə edə, bununla da münaqişəni gərginləşdirə biləcəyindən ehtiyat edirdilər. Ancaq indi onların fikri dəyişib.

Oxşar xəbərlər

Blinken Zelenski ilə görüşüb, Ukraynaya dəstəyin davamlı olacağını bildirib [xfgiven_updateblue][/xfgiven_updateblue]

Aİ liderləri Ukraynaya 50 milyard avroluq yardım proqramını təsdiqləyiblər [xfgiven_updateblue][/xfgiven_updateblue]

Yuri İqnat: "Rusiya bütün növ raketlərlə Ukraynanı atəşə tutub" [xfgiven_updateblue][/xfgiven_updateblue]

ABŞ prezidentliyinə namizəd Ukraynaya ordu göndərilməsini istisna etməyib [xfgiven_updateblue][/xfgiven_updateblue]

ABŞ-dan İsrail, Ukrayna və Tayvana fantastik yardım... [xfgiven_updateblue][/xfgiven_updateblue]