Beynəlxalq Atom Enerjisi Agentliyinin (BAEA) İdarə Şurası bu həftə Qərbin anti-İran xarakterli qətnaməsini qəbul etməsə, rəsmi Tehran 60 %-ə qədər zənginləşdirilmiş uran ehtiyatlarını daha da zənginləşdirilməsindən imtina edə bilər.

“Report” xəbər verir ki, bu barədə “Reuters” agentiyi təşkilatın hesabatına istinadən məlumat yayıb.

Məlumata görə, İran zənginləşdirməni dayandırmaq üçün artıq hazırlıq addımları atıb.

Qeyd edək ki, avqust ayından etibarən 60 %-ə qədər zənginləşdirilmiş UF6 (uran heksaflorid) ehtiyatları 164,7 kq-dan 182,3 kq-a yüksəlib. BAEA isə hesab edir ki, 60 %-ə qədər zənginləşdirilmiş 42 kq uran nəzəri cəhətdən daha zənginləşdirilməklə nüvə bombası yaratmaq üçün kifayətdir.

Agentlik bildirir ki, rəsmi Tehran həmçinin BAEA-nın əlavə dörd müfəttişinin ölkəyə buraxılması məsələsini nəzərdən keçirməyə razılaşıb.

Xatırladaq ki, bundan əvvəl İranın xarici işlər naziri Abbas Əraqçi BAEA İdarə Şurasının Tehranın düşmənçiliklə hazırlanmış hesab edəcəyi qətnamə qəbul etməsinə cavab olaraq ölkəsinin müvafiq tədbirlər görəcəyini açıqlamışdı.

Oxşar xəbərlər

KİV: İran 4 atom bombası yaratmaq üçün uran ehtiyatlarını artıra bilər [xfgiven_updateblue][/xfgiven_updateblue]

İran BAEA-nı şantaj edir [xfgiven_updateblue][/xfgiven_updateblue]

BAEA rəhbəri İranın nüvə obyektlərinə baş çəkib [xfgiven_updateblue][/xfgiven_updateblue]

Rusiya sanksiyalara cavab olaraq ABŞ-yə uran ixracını məhdudlaşdırıb [xfgiven_updateblue][/xfgiven_updateblue]

Cənubi Koreya Rusiyadan uran yanacağının alışını azaldacaq [xfgiven_updateblue][/xfgiven_updateblue]