Argentinada oktyabr ayında qiymətlərin artımı 2,7% olub, ilin əvvəlindən isə inflyasiya 107 %-ə yüksəlib.

“Report”un xəbərinə görə, bu göstəricilər ölkənin Statistika və Siyahıyaalma İnstitutunun yayımladığı məlumatlarda yer alıb.

“İstehlak qiymətləri indeksinin ümumi səviyyəsi 2024-cü ilin oktyabr ayında 2,7 %, ilin əvvəlindən isə ötən ilin müvafiq ayı ilə müqayisədə 107 % artıb”, - məlumatda bildirilir.

Oktyabr ayının göstəricisi, 2021-ci il noyabrdan ən aşağı səviyyə olub və inflyasiyanın artım sürətinin yavaşlamağa başladığını təsdiqləyib. Oktyabr ayında qiymətlərin artımına ən çox təsir edən amillər arasında kommunal xidmətlər (+5,4 %), geyim (+4,4 %) və mehmanxana və restoran xidmətləri (+4,3 %) olub.

Argentina artıq bir neçə ildir, ən yüksək inflyasiya göstəricilərinə sahib olan ölkələrdəndir. 2023-cü ildə qiymət artımı 211,4 %, 2022-ci ildə 94,8 %, 2021-ci ildə isə 50,9 % olub.

Oxşar xəbərlər

Argentinada ilin əvvəlindən inflyasiya 100%-i keçib

Argentinada inflyasiya 90%-i keçib

AMB: Bu ilin sonuna illik inflyasiya 5,1 % olacaq

Türkiyədə inflyasiya 50%-dən aşağı enib