ABŞ-də noyabrın 5-də keçiriləcək prezident seçkilərində 70 milyondan çox vətəndaş erkən səsvermədə iştirak edib.

“Report” xəbər verir ki, bu barədə Florida Ştat Universitetinin dərc etdiyi məlumatlarda bildirilib.

Hesablamalara görə, 70 053 286 ABŞ sakini erkən səsvermə hüququndan istifadə edib. Onlardan 37,4 milyondan çoxu səs vermə məntəqələrində şəxsən səs verib, təxminən 32,6 milyon nəfər isə poçt vasitəsilə səs verib.

ABŞ-də qeydiyyatdan keçmiş seçicilərin sayı təxminən 168 milyondur. Ən çox erkən səsvermə Texas (7,9 milyon), Florida (7,3 milyon) və Kaliforniya (6 milyon) ştatlarında qeydə alınıb.

Birləşmiş Ştatlarda növbəti prezident seçkiləri noyabrın 5-də keçiriləcək. Dövlət başçısı postu uğrunda respublikaçı Donald Tramp və demokrat Kamala Harris mübarizə aparacaq. Tramp ABŞ-nin 45-ci prezidenti olub və 2017-2021-ci illərdə ölkəyə rəhbərlik edib. Harris ABŞ-nin vitse-prezidenti vəzifəsini tutur.

Oxşar xəbərlər

Bayden prezident seçkilərində erkən səs verib

ABŞ-da erkən səsvermədə təxminən 70 milyon amerikalı iştirak edib

Harris Trampı sorğularda 5 faiz qabaqlayır

Trampla Harrisin seçim tərəddüdündə olan ştatlarda populyarlıq göstəriciləri bərabərləşib

Saat 19:00-a olan seçici fəallığı: 2 milyondan çox seçici səsvermə hüququndan istifadə edib - YENİLƏNİB