54 yaşlı hüquqşünas Duma Boko Botsvananın yeni və sayca altıncı prezidenti seçilib.

“Sizinxeber.az” TASS-a istinadən xəbər verir ki, bu barədə ölkənin baş hakimi Terrens Rannovane milli televiziya vasitəsilə məlumat verib.

Boko iki gün əvvəl ölkədə keçirilmiş parlament seçkilərində qalib gələn “Demokratik Dəyişiklikləri Naminə” (DDN) müxalif koalisiyasının lideridir.

DDN artıq Milli Assambleyada (birpalatalı parlament) 35 deputat mandatı qazanaraq ona mütləq çoxluq qazandırıb. Səslərin hesablanması davam edir. Digər iki müxalifət partiyası da yaxşı nəticə göstərib. Son 58 ildə hakimiyyətdə olan Botsvana Demokratik Partiyası (BDP) hazırda 4 mandat qazanıb.

Botsvananın hazırkı Prezidenti və BDP lideri Mokqvitsi Masisi partiyasının məğlubiyyətini etiraf edib və bildirib ki, o, artıq Bokoya zəng edərək onu qələbə münasibətilə təbrik edib. Masisi istefaya getdiyini açıqlayıb.

Qeyd edək ki, Botsvana Prezidenti parlament üzvlərinin sadə səs çoxluğu ilə seçilir. Oktyabrın 30-da keçirilmiş parlament seçkilərində 6 partiya iştirak edib. Onlardan dördü, seçki qanununun tələbinə uyğun olaraq, prezidentliyə öz namizədlərini irəli sürüb. Masisi ikinci müddətə dövlət başçısı seçilmək istəyirdi.

Oxşar xəbərlər

YAP-ın parlament seçkilərində 68 namizədi liderdir

Gürcüstanın hakim partiyası parlament seçkilərində 54 faizlə qalib gəlir - YENİLƏNİB

Gürcüstan MSK parlament seçkilərinin baş tutduğunu elan edib, “Gürcü Arzusu” irəlidədir

Gürcüstanın hakim partiyası parlamentdə 90-91 mandat alacaq

Tayvanda Çinlə dialoqun tərəfdarı olanlar parlamentdə çoxluq qazanıb