İspaniyanın Valensiya şəhərində yollar və bütün ərazilər su altında qalıb, bu da xilasetmə əməliyyatlarını ciddi şəkildə çətinləşdirir, hərəkəti məhdudlaşdırır.

“Report” xəbər verir ki, Valensiya və ətrafında güclü yağışların səbəb olduğu dağıdıcı daşqının fotoları yayılıb.

Gündəlik yağıntının səviyyəsi illik həcmə bərabərdir. Daşqınlar infrastrukturu məhv edib, yaşayış sahələrini su basıb, rabitə əlaqəsində fasilələrə səbəb olub, sakinləri elektriksiz qoyub. Yolların su basması səbəbindən xilasetmə əməliyyatlarında çətinliklər yaranıb.

Pikanya kimi sahil rayonlarında küçələr palçıqla örtülüb.

Qeyd edək ki, faciə ilə əlaqədar region hakimiyyəti üç günlük matəm elan edib. Xilasetmə xidmətləri itkin düşənləri axtarışını davam etdirir.

Valensiyada əsl "avtomobil qəbiristanlıqları" meydana çıxıb. Fotolarda da məlum olur ki, şəhər sakinləri çaşqınlıq içindədirlər və sığınacaq axtarmağa tələsirlər.

Oxşar xəbərlər

Valensiyada daşqınlar nəticəsində ölənlərin sayı 62 nəfərə çatıb - YENİLƏNİB

İspaniyada daşqınlar nəticəsində ölənlərin sayı 70 nəfəri keçib - YENİLƏNİB-3

İspaniyada yağış və daşqınlar nəticəsində ölənlərin sayı 90 nəfəri ötüb - YENİLƏNİB-4

İspaniya Milli Meteorologiya Xidməti ən yüksək hava xəbərdarlığı elan edib

İspaniyada daşqınlar nəticəsində 51 nəfər ölüb