ABŞ seçicilərinin əksəriyyəti iqtisadi məsələlərin həllində vitse-prezident Kamala Harrisə yox, keçmiş prezident Donald Trampa etibar edirlər.

“Sizinxeber.az”un məlumatına görə, bunu “Gallup”un sorğusunun nəticələri göstərir.

Sorğunun nəticələrinə görə, respondentlərin 52 %-i prezident seçkilərində səs verərkən diqqət yetirəcəkləri ən mühüm aspekt kimi iqtisadiyyatı qeyd edib.

Rəyi soruşulanların 54 %-i Trampın iqtisadi məsələlərin həllində daha yaxşı iş görəcəyinə inandığını, 45 %-i isə iqtisadi məsələlərin həllini Harrisə həvalə etməyi üstün tutduğunu bildirib.

Bundan əlavə, respondentlər miqrasiya və xarici siyasət məsələlərində Trampa daha çox güvənirlər, Harrisə isə iqlim dəyişikliyi və səhiyyə məsələlərində daha çox etibar edilir.

“Gallup”un məlumatına görə, bu, sorğuda iştirak edənlərin 55 %-inin iqtisadiyyatın seçkilərdə kimə səs vermək məsələsinə çox ciddi təsir göstərdiyini söylədiyi 2008-ci ilin oktyabrından bu yana ən yüksək göstəricidir.

“Gallup”un sorğusu sentyabrın 16-dan 28-dək olan dövrdə qeydə alınmış 941 seçici arasında keçirilib. Araşdırmanın xəta göstəricisinin 4 faiz bəndi olduğu da vurğulanıb.

Oxşar xəbərlər

Sorğu: Harris vətəndaşlar arasında dəstək baxımından Trampı qabaqlayır

Trampın qardaşı oğlu: Əmim Donald dəlidir

“The Economist”: ABŞ-nin iqtisadi tənəzzülü Harrisin prezidentlik planlarına son qoya bilər

KİV: Amerikalıların əksəriyyəti Harrisin debatda Trampı məğlub etdiyini düşünür

Tramp seçkilərin nəticələrinə təsir edən ştatların çoxunda Harrisə uduzur