Qəzza zolağında aparılan döyüşlər nəticəsində həlak olanların sayı 21 507 nəfərə çatıb.

“Report” xəbər verir ki, bu barədə “Al Arabia” telekanalı məlumat yayıb.

Qeyd edilir ki, oktyabrın 7-dən indiyədək 55 915 nəfər xəsarət alıb. Bu rəqəmlərə son 24 saat ərzində 187 ölüm daxildir. Lakin statistika mülki şəxslərlə silahlı qruplaşmaların üzvləri arasında fərq qoymur.

Öz növbəsində, BMT-nin Fələstinli Qaçqınlara Yardım və İş Agentliyinin Yaxın Şərq üzrə qurumu oktyabrın 7-dən bu yana agentliyə məxsus binalarda gedən döyüşlərdən sığınan 308 nəfərin həlak olduğunu bildirib. BMT binalarında gizlənən daha 1 095 nəfər yaralanıb.

Xatırladaq ki, oktyabrın 7-də Qəzza zolağından HƏMAS yaraqlılarının İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib və bu, sərhədyanı qəsəbələrin sakinlərinin öldürülməsi, uşaqlar, qadınlar və qocalar da daxil olmaqla 200-dən çox girov götürülməsi ilə müşayiət edilib.

İsrail tərəfi baş verənlərə cavab olaraq bu günə qədər davam edən “Dəmir qılınclar” əməliyyatının başlandığını elan edib.

Oxşar xəbərlər

İsrail HƏMAS-ın 8 min yaraqlısını zərərsizləşdirib [xfgiven_updateblue][/xfgiven_updateblue]

Qəzza zolağında ölənlərin sayı 20,4 mini keçib [xfgiven_updateblue][/xfgiven_updateblue]

İsrail dekabrın 1-dən HƏMAS-ın minlərlə yaraqlısını məhv edib [xfgiven_updateblue][/xfgiven_updateblue]

İsrail HƏMAS-a bir həftəlik hərbi əməliyyatları dayandırmağı təklif edib [xfgiven_updateblue][/xfgiven_updateblue]

İsrail ordusu Qəzzada HƏMAS-ın əsas dayaqlarından olan şəhəri ələ keçirib [xfgiven_updateblue][/xfgiven_updateblue]