Vaşinqton bu yaxınlarda ilk F-35 qırıcılarını Varşavaya tədarük etməyə hazırlaşır.

"Report"un məlumatına görə, bu barədə Polşa Müdafiə Nazirliyi “X” sosial şəbəkəsindəki səhifəsində xəbər yayıb.

“Bu il avqustun 28-i, çərşənbə günü, saat 10:00-da (Bakı vaxtı ilə saat 03:00-da-red.) Fort-Uertdə, Polşa Aviasiya Günündə nazir müavinləri Pavel Beyda və Sezari Tomçik ilk F-35-in rəsmi təqdimatında iştirak edəcəklər”, - məlumatda deyilir.

Belə təyyarələr PATRIOT zenit-raket sistemləri və Amerikanın köhnə F-16 qırıcıları ilə birlikdə effektiv olacaq.

Nazirlik əlavə edib ki, Polşanın baş nazirinin müavini və milli müdafiə naziri Vladislav Kosiniyak-Kamış avqustun 29-da yerli vaxtla saat 10:00-da Vaşinqtonda Pentaqon rəhbəri Lloyd Ostin ilə görüşəcək.

Xatırladaq ki, Polşa daha əvvəl ABŞ ilə 32 ədəd beşinci nəsil “F-35 Lightning II” təyyarəsinin tədarükü üçün müqavilə imzalayıb.

Oxşar xəbərlər

Polşa və ABŞ “Patriot” üçün 48 buraxılış qurğusunun istehsalına dair müqavilə imzalayıb

Polşa və ABŞ “Apache” zərbə helikopterinin tədarükü üzrə müqavilə imzalayıb

Polşa müdafiə nazirinin müavini: Ölkə hibrid müharibə vəziyyətindədir

Polşa ABŞ-dən 850 milyon dollara raket alacaq

Polşa “Patriot” üçün 48 buraxılış qurğusu istehsal edəcək