Gələn həftə Misirin paytaxtı Qahirədə Qəzza zolağında atəşkəslə bağlı danışıqların növbəti raundu baş tutacaq.

“Sizinxeber.az” TASS-a istinadən xəbər verir ki, bu barədə Misir, Qətər və ABŞ-dən olan vasitəçilər Dohada keçirilən məsləhətləşmələrin yekunu üzrə dərc olunmuş birgə kommünikedə bildiriblər.

“Yüksək vəzifəli hökumət nümayəndələrimiz bu gün müzakirə olunan məsələlərlə bağlı razılığa gəlmək məqsədilə gələn həftənin sonuna qədər Qahirədə yenidən görüşəcəklər”, - Misir Prezidentinin sözçüsü Əhməd Fəhminin “Facebook”da paylaşdığı sənəddə bildirilib.

Vasitəçilər əlavə ediblər ki, texniki qruplar yaxın bir neçə gün ərzində sazişin əsas prinsiplərinin həyata keçirilməsi, o cümlədən Qəzzada humanitar vəziyyət və israilli girovların fələstinli məhbuslarla dəyişdirilməsi ilə bağlı mexanizmlər hazırlamağa davam edəcəklər.

Oxşar xəbərlər

Qəzza üzrə danışıqların Doha raundu başa çatıb, tərəflər gələn həftənin sonuna qədər Qahirədə görüşəcək - YENİLƏNİB

Qəzza ilə bağlı danışıqlarda irəliləyiş əldə edilib

Bayden Qəzzanı danışıqlarda Misir və Qətərin təmsil etdiyini bəyan edib

İsrail HƏMAS-ın danışıqlarda iştirakdan imtina etməsinə münasibət bildirib

Qətər və Misirin vasitəçiliyi ilə Qəzzada atəşkəslə bağlı danışıqlar aparılır