Banqladeşin keçmiş Baş naziri Şeyx Həsinə və daha altı sabiq hökumət məmuruna qarşı cinayət işi açılıb.

"Sizinxeber.az" "The Daily Star" nəşrinə istinadən xəbər verir ki, bu, hökumət dəyişikliyindən sonra ona qarşı açılmış ilk cinayət işidir.

Şeyx Həsinə və bir sıra hökumət rəsmiləri iyulun 16-da etiraz aksiyaları zamanı Məhəmmədpur şəhərində ərzaq mağazasının sahibi Əbu Səidin polis tərəfindən güllələnərək öldürülməsində əli olmaqda ittiham edilir.

Nəşrin daha əvvəl yaydığı məlumatda onun polisə təhlükə törətmədiyi, digər etirazçılardan aralıda dayandığı və heç kimə hücum etmədiyi bildirilib. Polis isə fərq qoymadan etirazçılara atəş açıb.

Şeyx Həsinə avqustun 5-də iğtişaşlar fonunda Dəkkədəki rəsmi iqamətgahını tərk edib. Daha sonra o, istefa verdiyini elan edərək Hindistanın Aqartala şəhərinə gedib. “Hindu” nəşri keçmiş Baş nazirin Böyük Britaniyadan sığınacaq istədiyini yazıb. 2006-cı ildə Nobel Sülh Mükafatı laureatı olmuş doktor Məhəmməd Yunus rəsmi olaraq Banqladeşin müvəqqəti hökumətinin başçısı təyin edilib. Avqustun 8-də onun və müvəqqəti hökumətin andiçmə mərasimi keçirilib.

Oxşar xəbərlər

Banqladeşin istefa verən Baş naziri Böyük Britaniyadan sığınacaq istəyib - YENİLƏNİB

Banqladeşin Baş naziri istefa verib

Nobel Sülh mükafatı laureatı həbs cəzasına məhkum edildi

Nobel mükafatı laureatı Banqladeşin müvəqqəti hökumətinə rəhbərlik etməyə hazır olduğunu bildirib

Nobel mükafatçısı Banqladeşin müvəqqəti hökumətinə rəhbərlik edə bilər