ABŞ prezidentliyinə namizədlər Donald Tramp və Kamala Harrisin debatı sentyabrın 10-da ABC telekanalında baş tutacaq.

“Report” xəbər verir ki, bu barədə telekanal sosial şəbəkədə bildirib.

“ABC News” sentyabrın 10-da ABC telekanalında prezidentliyə namizədlərin debatına ev sahibliyi edəcək. Vitse-prezident Harris və keçmiş prezident Tramp ABC debatlarında iştirak edəcəklərini təsdiqləyiblər”, – telekanalın paylaşımında diqqətə çatdırılıb.

CNN qeyd edir ki, Tramp Floridadakı Mar-a-Laqo malikanəsində mətbuat konfransında çıxış edərək vitse-prezidentlə debatı “səbirsizliklə gözlədiyini” və qarşıdan gələn debat tarixləri ilə bağlı razılığa gəldiyini söyləyib: sentyabrın 4-də “Fox News”da, sentyabrın 10-da ABC-də və sentyabrın 25-də NBC-də.

Tramp əlavə edib ki, tamaşaçılar və yer də daxil olmaqla, “xırda təfərrüatlar” üzərində hələ də iş gedir. O həmçinin Harrisin debatın bütün şərtləri ilə razılaşacağına şübhə etdiyini vurğulayıb.

Daha əvvəl ABC-də debata razılıq verən Harris cümə axşamı daha sonra iştirak edəcəyini təsdiqləyib və gələcək debatları müzakirə etməkdən “xoşbəxt olacağını” söyləyib.

Oxşar xəbərlər

"Fox News" Tramp və Harrisi sentyabrda debata dəvət edib [xfgiven_updateblue][/xfgiven_updateblue]

ABC Tramp-Harris debatı ilə bağlı məlumatı təsdiqləyib [xfgiven_updateblue][/xfgiven_updateblue]

Harris Trampla debata çıxmağa hazır olduğunu deyib [xfgiven_updateblue][/xfgiven_updateblue]

Trampla Harrisin ilk debatının vaxtı məlum olub [xfgiven_updateblue][/xfgiven_updateblue]

Donald Tramp əsas rəqibi Kamala Harrislə debata çıxacaq [xfgiven_updateblue][/xfgiven_updateblue]