Misir Prezidenti Əbdülfəttah əs-Sisi və amerikalı həmkarı Cozef Bayden Qəzza zolağında atəşkəsin yaradılması üçün birgə işi davam etdirmək barədə razılığa gəliblər.

"Report.az"un xarici KİV-ə istinadən verdiyi məlumata görə, onlar ABŞ tərəfinin təşəbbüsü ilə telefon danışığı aparıblar.

“Dövlət başçıları Qəzzada atəşkəs və iki dövlət prinsipinin həyata keçirilməsinə yönəlmiş birgə intensiv fəaliyyəti davam etdirmək barədə razılığa gəliblər. Məhz bu prinsip Yaxın Şərq regionunda yaşayan bütün xalqlar üçün sabitliyin əsas təminatçısı rolunu oynayır”, - Misir Prezidentinin rəsmi nümayəndəsi Əhməd Fəhmi feysbukdakı səhifəsində yazıb.

Əl-Sisi və Bayden söhbət zamanı həmçinin təsdiqləyiblər ki, onlar bölgədə vəziyyətin gərginləşməsini azaltmaq və təhlükəsiz mühiti bərpa etmək üçün hər cür səy göstərməyə davam edəcəklər.

Oxşar xəbərlər

Misir Prezidenti fələstinlilərin hər hansı formada köçürülməsini rədd edib

Misir Qəzzada münaqişənin həlli üçün üçmərhələli plan təklif edib

Bayden Netanyahuya Qəzzaya humanitar yardımın artırılmasının vacibliyini bildirib

ABŞ Prezidenti və İsrailin Baş naziri Qəzzada baş verənləri müzakirə ediblər

KİV: Bayden Netanyahudan Yaxın Şərqdə eskalasiyanı dayandırmağı tələb edib