Çinin cənub-qərbindəki Sıçuan əyalətindəki Qantszi-Tibet Muxtar Dairəsinin Kandin şəhərində daşqın və sel nəticəsində azı 10 nəfər ölüb, 17 nəfər itkin düşüb.

“Sizinxeber.az” xəbər verir ki, bu barədə “Xinxua” agentliyi məlumat yayıb.

Sel körpünü uçurub və iki magistral tuneli dağıdıb. Jidi kəndində də evlərə ziyan dəyib.

Agentlik qeyd edib ki, körpü uçan zaman içərisində 11 nəfərin olduğu 4 avtomobili sel aparıb. Onlardan 3 nəfərin öldüyü elan edilib, 1 nəfər xilas edilib, qalan 7 nəfər itkin düşmüş hesab olunur. Jididə 7 nəfər ölüb, daha 10 nəfər itkin düşüb.

Hündür dağ şəraiti ilə əlaqədar həyata keçirilməsi çətinləşən fəlakət zonasında axtarış-xilasetmə işləri davam etdirilir. Axtarış əməliyyatlarında dronlardan istifadə edilir.

Oxşar xəbərlər

Çində sel və torpaq sürüşməsi nəticəsində 4 nəfər ölüb, onlarla insan itkin düşüb

Çində qasırğa 12 nəfərin ölümünə səbəb olub, vəzifəli şəxslər itkin düşüb

Çində zəlzələ nəticəsində ölənlərin sayı 144-ə çatıb

Çində qasırğa 30 nəfərin həyatına son qoyub

Efiopiyada torpaq sürüşməsi nəticəsində azı 11 nəfər ölüb