ABŞ Prezidenti Donald Tramp media maqnatı Rupert Merdokdan reputasiyasına dəyən ziyana görə 10 milyard dollar təzminat tələb edir.

"Report" TASS-a istinadən xəbər verir ki, bu barədə Florida ştatının Cənub dairəsi üzrə məhkəmənin elektron məlumat bazasında dərc edilmiş sənəddə deyilir.

Tramp Merdoka qarşı iddiaya andlı iclasçılar məhkəməsində baxılmasını tələb edib.

Qeyd edək ki, buna səbəb Merdokun "The Wall Street Journal"da Trampın yetkinlik yaşına çatmayanlara təcavüz etməkdə ittiham olunan amerikalı maliyyəçi Cefri Epşteynə göndərdiyi iddia edilən məktubla bağlı məqalənin dərc etdirməsidir.

Xatırladaq ki, Ceffri Epşteyn 2019-cu ildə məhkəmə prosesini gözlədiyi həbs kamerasında ölü tapılmışdı. Araşdırmanın nəticələrinə görə, onun intihar etdiyi elan edilib. Epşteyn müxtəlif məşhur və varlı insanlara yetkinlik yaşına çatmayan qızları "təmin etməkdə" ittiham olunub.

Oxşar xəbərlər

Tramp "Wall Street Journal" nəşrini məhkəməyə verir

İlon Mask: Trampın adı azyaşlıların cinsi istismarı ilə bağlı sənədlərdə yer alır – buna görə onlar ictimailəşdirilmir

Mask Trampın Ceffri Epşteynlə əlaqələrinə dair postu silib

Tramp 2022-ci ildə aparılmış axtarışa görə hökumətdən 100 milyon dollar təzminat tələb edəcək

Tramp media maqnatı Murdokun məhkəmədə ifadə verməsini səbirsizliklə gözlədiyini açıqlayıb