İraqın şimalında “Tauke” neft yatağına növbəti dəfə pilotsuz təyyarə (PUA) hücumu həyata keçirilib.

“Sizinxeber.az” “Reuters” agentliyinə istinadən xəbər verir ki, bu barədə yerli təhlükəsizlik xidmətləri məlumat yayıb.

Türkiyə ilə sərhəddə Zaho bölgəsində (İraq Kürdüstanı) “Tauke” və “Peşkabur” neft yataqlarını istismar edən Norveçin DNO şirkətinin müvəqqəti olaraq hasilatı dayandırdığı bildirilir.

Enerji sektoru nümayəndələrinin sözlərinə görə, bu həftə PUA hücumları yataqlarda neft hasilatının gündə 140-150 min barel azalmasına səbəb olub.

Xatırladaq ki, İraq Kürdüstanındakı neft yataqları bazar ertəsindən PUA hücumlarına məruz qalıb. Heç bir qruplaşma hücumlara görə məsuliyyəti öz üzərinə götürməyib.

Oxşar xəbərlər

İraq Kürdüstanında neft yataqları bir həftə ərzində üçüncü dəfə hücuma məruz qalıb

Liviya neft hasilatını gündə 1,3 milyon barelə qədər artırıb

EIA qlobal neft hasilatının artım proqnozunu azaldıb

OPEC oktyabrda Azərbaycanda gündəlik neft hasilatının həcmini açıqlayıb