Böyük Britaniya rəsmi olaraq Pakistanı uçuş məhdudiyyətləri olan ölkələr siyahısından çıxarıb, faktiki olaraq Pakistan aviaşirkətlərinə əvvəllər tətbiq edilmiş qadağanı ləğv edib.

"Sizinxeber.az" xəbər verir ki, bu barədə İslamabaddakı Britaniya Ali Komissiyası məlumat yayıb.

Məlumata görə, indi Pakistan daşıyıcıları Birləşmiş Krallığın Mülki Aviasiya İdarəsi vasitəsilə Britaniyaya uçuş icazələri üçün müraciət edə bilərlər.

Qərar Pakistanda aviasiya təhlükəsizliyi standartlarının əhəmiyyətli dərəcədə yüksəldilməsindən sonra qəbul edilib.

"Hava əlaqələrinin bərpası təkcə əlaqələri yaxşılaşdırmayacaq, həm də iqtisadi və mədəni əlaqələrin dəstəklənməsinə kömək edəcək", - Britaniyanın ali komissarı Ceyn Marriott bildirib.

Xatırladaq ki, qadağa 2020-ci ilin iyulunda Böyük Britaniya və Avropa aviasiya orqanları tərəfindən saxta pilot lisenziyaları ilə bağlı qalmaqaldan sonra tətbiq edilmişdi.

Oxşar xəbərlər

ABŞ-nin PUA-ları Britaniya aviaşirkətlərinin uçuşlarına mane olub

Pakistanın PIA aviaşirkəti 4,5 illik qadağadan sonra Avropaya uçuşları bərpa edəcək

Hindistan hava məkanını Pakistan təyyarələri üçün bağlayıb

ABŞ və Britaniya Rusiyanın dərinliklərinə zərbə məhdudiyyətlərini qaldıra bilər

Britaniya 2027-ci ilin iyulunadək bir sıra malların idxalına rüsumları ləğv edib