Ukrayna böyük məhbus mübadiləsi çərçivəsində yüzlərlə vətəndaşını evlərinə qaytara bilib.

“Report” xəbər verir ki, bunu Ukrayna Prezidenti Volodimir Zelenski teleqram kanalında bildirib.

"Böyük mübadilənin səkkiz mərhələsi. İyunun əvvəlindən yüzlərlə insanımız vətənə qayıdıb. Gənclərimiz, Mariupolun müdafiəçiləri, Donetsk, Zaporojye, Luqansk, Xarkov, Sumı, Çerniqov və Kiyev vilayətlərində cəbhəni qoruyanlar. Yaralılar, ağır xəstələr. Onların əksəriyyəti 2022-ci ildən əsirlikdə idi", - o qeyd edib.

Ukrayna lideri geri qaytarılanlar arasında təkcə hərbi qulluqçuların deyil, mülki şəxslərin də olduğunu vurğulayıb.

"Biz istisnasız olaraq hamını geri qaytarana qədər işimizi davam etdirəcəyik", - Zelenski əlavə edib.

Oxşar xəbərlər

Zelenski: Ukrayna birtərəfli qaydada atəşi dayandırmayacaq

Zelenski Netanyahuya zəng edib

Zelenski Ukrayna ordusunun Rusiyadakı fəallığını izah edib

Zelenski: Moskva sabahdan atəşkəsi təsdiqləsə, Ukrayna danışıqlara hazırdır

Zelenski: Rusiya və Ukrayna növbəti əsir mübadiləsinə hazırlaşır