Fransa Prezidenti Emmanuel Makron ABŞ-nin İranın nüvə obyektlərinə zərbələrindən sonra İran lideri Məsud Pezeşkianla telefonla danışıb.

“Sizinxeber.az” xəbər verir ki, Makron bu barədə "X" sosial şəbəkəsində yazıb və vəziyyətin təhlükəli olduğunu bildirib.

Söhbət zamanı Fransa lideri Tehranı nizamlanma üçün diplomatik mexanizmlərə qayıtmaq məqsədilə gərginliyi azaltmağa və maksimum təmkin nümayiş etdirməyə çağırıb.

Yelisey Sarayından bildirilib ki, Fransa prezidenti regiondakı mövcud vəziyyəti qiymətləndirmək üçün bir sıra Yaxın Şərq liderləri ilə, o cümlədən Səudiyyə Ərəbistanının vəliəhdi, Oman Sultanı, BƏƏ prezidenti və Qətər əmiri ilə də telefon danışıqları aparıb.

Bundan əlavə, Makron yaxın saatlarda ABŞ-nin İran obyektlərini bombalaması fonunda Fransa Milli Müdafiə və Təhlükəsizlik Şurasının Yaxın Şərqdəki vəziyyətə həsr olunmuş fövqəladə iclasını keçirmək niyyətindədir.

Oxşar xəbərlər

Makron Pezeşkiyanı danışıqlar masasına qayıtmağa çağırıb

Makron İrandan nüvə proqramının sülh xarakterinə dair zəmanətlər tələb edib

Makron Trampın qayıdışı fonunda Avropanı "oyanmağa" çağırıb

Makron və Netanyahu arasında telefon danışığı olub

Makron: İran danışıqlar masasına qayıtmağa hazır olduğunu nümayiş etdirməlidir