“İsrail İranın nüvə obyektlərini vura bilər. ABŞ administrasiyası Tehranla münaqişədən qaçmaq istəyir”.

“Sizinxeber.az” xəbər verir ki, bunu ABŞ Prezidenti Donald Tramp Ağ Evdə jurnalistlərin suallarını cavablandırarkən deyib.

Ondan İsrailin İrana hücum ehtimalına münasibət bildirməsi istənilib. Tramp bildirib ki, hər şey sadədir: “İran nüvə silahına malik ola bilməz. Biz onlara uğur qazanmağa kömək etməklə yanaşı, ticarət əlaqələri quracayıq. Biz lazım olan hər şeyi edəcəyik. Mən münaqişədən qaçmaq istərdim. İran daha sərt danışıqlar aparmalı olacaq, yəni indi vermək istəmədiyini bizə verməli olacaq”.

Bundan əvvəl “ABC News” xəbər verib ki, İsrail yaxın günlərdə İrana hərbi zərbə endirə bilər.

“Politico” isə mənbələrə istinadən xəbər yayıb ki, İsrail rəsmiləri bu həftə ABŞ prezidentinin xüsusi nümayəndəsi Steven Uitkoff ilə görüşməyi planlaşdırır. Görüşün mövzusunun İsrailin mümkün hücumu ola biləcəyi qeyd edilir.

Oxşar xəbərlər

KİV: İsrail yaxın günlərdə İrana hərbi zərbə endirmək imkanını nəzərdən keçirir

NYT: ABŞ İsrailin mayda İrana zərbə endirmək planını dəstəkləməyib

Tramp: İrana nüvə silahına malik ola bilməyəcəyi aydın şəkildə bildirilib

Tramp Tehranın nüvə proqramına görə İrana hücum etməyə tələsmədiyini bəyan edib

KİV: İsrail yaxın saatlarda İrana zərbələr endirə bilər