“Avropa Komissiyası ona rəhbərlik edən Ursula Von der Leyenin dərman istehsalçısı olan və COVID19 üçün nəzərdə tutulan vaksinlərdən milyardlarla dollar qazanan “Pfizer” şirkəti ilə əlaqələri barədə məlumatları ictimaiyyətə açıqlamalıdır”.

APA xəbər verir ki, bunu Macarıstanın xarici işlər naziri Peter Siyarto Avropa Məhkəməsinin Avrokomissiya rəhbəri barəsindəki qərarına münasibət bildirərkən “X” hesabında yazıb.

“Ursula von der Leyen bizə şəffaflıq barədə mühazirələr oxuyur, özü isə “Pfizer” ilə olan sövdələşmələrini bizdən gizlədir. Biz Avropa Komissiyanını Avropa Məhkəməsinin qərarına hötmətlə yanaşmağa və vaksinlərin alışı ilə bağlı yazışmaları ictimaiyyətə açıqlamağa çağırırıq. Vaksinlərin alınması nəyə görə ləngiyirdi? Niyə görə Avropa ölkələrindən bu məqsədlə əlavə vəsait alınırdı? Özünüzə haqq qazandırdığınız yetər. Biz cavab tələb edirik”.

Qeyd edək ki, məhkəmə heyəti Ursula von Der Lyayenin 2021-2023-cü illərdə imzalanmış 30 milyard dollarlıq vaksin razılaşmasına dair informasiyanı gizlətməkdə təqsirli bilib və Avropa Komissiyasından həm onların, həm də Ursula von der Leyenin yuxarıda adı çəkilən şirkətin rəhbəri Albert Burla ilə yazışmalarının ictimailəşdirilməsini tələb edib.

Oxşar xəbərlər

Ursula von der Leyenin Avropa Komissiyası prezidentliyinə namizədliyi təsdiqlənə bilər

Von der Leyen yenidən Avropa Komissiyasının prezidentliyinə namizəd olacaq

Ursula von der Leyen: Avropa açıq təhlükə ilə üz-üzədir

Ursula von der Leyen Kiyevə gedib

Ursula von der Leyen: "Təcili olaraq Avropanı yenidən silahlandırmalıyıq"