ABŞ Polşaya 1,3 milyard dollar dəyərində raket satışını təsdiqləyib

ABŞ Prezidenti Donald Trampın administrasiyası NATO üzvü Polşaya 1,3 milyard dollar dəyərində qabaqcıl ortamənzilli raketlərin satışına icazə verib.

Lent.az xəbər verir ki, ABŞ Dövlət Departamenti Polşaya 400 ədəd AMRAAM raketi və onlara aid avadanlıqların – ehtiyat hissələri, təlimat sistemləri, mühəndislik və texniki dəstək də daxil olmaqla – satışına dair Konqresi məlumatlandırıb.

Departamentin açıqlamasında bildirilir ki, bu satış ABŞ-ın xarici siyasət məqsədlərinə və milli təhlükəsizlik maraqlarına uyğun olaraq NATO müttəfiqi Polşanın təhlükəsizliyini gücləndirəcək və ölkənin özünümüdafiə qabiliyyətini artıracaq.