Yunanıstanın paytaxtı Afinada dəmir yolu şirkətinin əsas binasında şübhəli çantanın partladığı bildirilir.

APA xəbər verir ki, Yunanıstanda naməlum şəxslər yerli vaxtla saat 20:35-də Yunan qəzetinə və internet saytına zəng ediblər.

Həmin şəxslər təxminən 35-40 dəqiqə ərzində paytaxt Afinada “Hellenic Train” dəmir yolu şirkətinin əsas ofisində partlayış olacağını deyiblər.

Yunanıstan Dövlət Televiziyası ERT-nin məlumatına görə, ərazidə aşkarlanan şübhəli çanta göstərilən vaxtda partlayıb.

Hadisə zamanı insan tələfatının olub-olmaması ilə bağlı məlumat verilməyib.

Hadisə ilə bağlı araşdırmalara başlanılıb.

Oxşar xəbərlər

Daşkəsəndə yaşayış binasında qaz partlayıb, xəsarət alan var

Dəmir yolu qatarlarının təsərrüfat heyvanları ilə toqquşma hallarının sayı açıqlanıb

Dəmir yolu stansiyasından oğurluq edən şəxs saxlanılıb