Polşa MiQ-29 eskadrilyasını Ukraynaya təhvil verməyə hazır deyil

Polşa hələlik MiQ-29 eskadrilyasını Ukraynaya təhvil verməyə hazır deyil, Varşava NATO müttəfiqlərindən qırıcıların dəyişdirilməsini gözləyir.

APA xəbər verir ki, bunu ölkə rəhbəri Anjey Duda Şimali Atlantika Alyansının baş katibi Mark Rutte ilə danışıqlardan sonra deyib.

“Biz həmişə yalnız bir şərt qoymuşuq, onun yerinə yetirilməsi qalan təyyarələrin göndərilməsinə imkan verəcək. Biz tarazlığı saxlamalı və Polşa səmasını qorumaq məsələsini həll etməliyik”, - Duda vurğulayıb.