Zelenski: Kiyev müharibəni dayandırmaq üçün ABŞ administrasiyası ilə birgə işləməyə davam edəcək

Ukraynanın Rusiya ilə müharibədən sonra etibarlı təhlükəsizlik təminatlarına ehtiyacı var, ona görə də Kiyev müharibəni dayandırmaq yollarını tapmaq üçün ABŞ administrasiyası ilə birgə işləməyə davam edəcək.

Sizinxeber.az xəbər verir ki, bunu Ukrayna Prezidenti Volodimir Zelenski ABŞ-nin vitse-prezidenti Cey Venslə görüşündən sonra jurnalistlərə bildirib.

“Bizim müharibəni bitirmək, Putini dayandırmaq planı haqqında danışacağımız, üzərində işləyəcəyimiz çox şey var. Əslində biz bunu çox istəyirik, lakin bizə real təhlükəsizlik zəmanətləri lazımdır. Görüşməyə və işləməyə davam edəcəyik”, - dövlət başçısı qeyd edib.

Zelenski həmçinin ABŞ prezidentinin Ukrayna və Rusiya üzrə xüsusi nümayəndəsi Keyt Kelloqun yaxın vaxtlarda Kiyevə səfər edəcəyinə ümid etdiyini bildirib.