Türkiyənin xarici işlər naziri Hakan Fidan Suriyada yeni əməliyyatın baş verməməsi üçün bölgədəki terrorçuların ölkəni tərk etməli olduğunu bildirib.

APA Türkiyə mətbuatına istinadən xəbərverir ki, Fidan Suriyanın yeni rəhbərliyinin bölgədə qalan YPG terror təşkilatı üzvlərini məhv etmək üçün son hazırlıqlarını görür.

Əsəd rejiminin devrilməsindən sonra Suriyada qurulan yeni administrasiyanın mübarizə aparmaqdan çəkinmədiyini vurğulayan Fidan, bölgədə gələcək qarşıdurmaların qarşısını almaq üçün arzu olunan şərtlərin bəlli olduğunu deyib.

O bildirib ki, əgər YPG silahı yerə qoymağa razı olmasa, Suriyadakı administrasiyanın YPG-yə qarşı mübarizə aparmaq gücü var.

“YPG-yə verdiyimiz ultimatum aydındır. Əgər hərbi əməliyyat istəmirsinizsə, beynəlxalq terrorçu döyüşçülər ölkəni tərk etməlidir. Bundan əlavə, PKK liderləri ölkəni tərk etməlidir. Bunlar baş verməsə, hərbi əməliyyatlar aparılacaq.”, - deyə nazir bildirib.

Oxşar xəbərlər

Hakan Fidan: PKK/YPG Suriyada silahı mümkün qədər tez yerə qoymalıdır

Hakan Fidan: Suriyada terror təşkilatlarının fəaliyyətinə son qoyulmalıdır

Hakan Fidan: PKK problemi həll olunsa Türkiyənin müdaxiləsinə ehtiyac qalmayacaq

Hakan Fidan: İsrailin Suriyada yürütdüyü siyasət böyük təxribatlara yol aça bilər

Hakan Fidan: Terror ünsürlərinə qarşı mübarizəmizi davam etdirəcəyik