ABŞ prezidenti Donald Tramp sahibkar İlon Maskın rəhbərlik etdiyi ABŞ Hökumətinin Effektivliyi Agentliyinin (DOGE) Pentaqona xərclənən milyardlarla dolları üzə çıxaracağına ümid edir.

APA xəbər verir ki, o, müvafiq açıqlamanı fevralın 9-da “Fox News”a müsahibəsində bildirib.

“Mən hərbi quruma keçəcəyəm. Gəlin ordumuzu yoxlayaq ki, fırıldaqçılıq və sui-istifadə nəticəsində israf edilmiş və itirilmiş milyardlarla, yüzlərlə milyard dollarları tapaq. Xalq məni bunu etmək üçün seçdi", - o bildirib.

O agentliyin işində Maska güvəndiyini vurğulayaraq sözlərinə davam edib: “Mən Maskdan bunu etməsini xahiş etdim. Sonra ondan xahiş edəcəm ki, çox tezliklə, bəlkə də 24 saatdan sonra təhsil sahəsini yoxlamağa başlasın. O, eyni problemləri tapacaq."

Oxşar xəbərlər

Tramp hökuməti artıq hər gün 1 milyard dollara qənaət edir

İlon Maskın sərvəti 400 milyard dolları ötüb

İlon Maskın sərvəti 400 milyard dolları keçib

Zelenski: Ukraynadakı müharibə ABŞ-yə milyardlarla dollar gəlir gətirib