ABŞ-da prezident Co Baydenin rəhbərlik etdiyi hökumət, səlahiyyət müddətinin son ayında Çinə çip sənayesində əlavə məhdudiyyətlər qoyan yeni tədbirləri açıqlayıb.

APA xəbər verir ki, ABŞ Ticarət Departamentinin Sənaye və Təhlükəsizlik Bürosunun (BIS) verdiyi açıqlamaya görə, yarımkeçiricilərin hazırlanmasında istifadə edilən 24 növ çip istehsalı aparatına və 3 kateqoriya proqram təminatına ixrac məhdudiyyəti qoyulub.

Məhdudiyyət çərçivəsində süni intellekt çiplərində istifadə edilən Yüksək Bölmə Yaddaş (HBM) komponentinin də Çinə ixracı qadağan ediləcək.

Digər tərəfdən, Ticarət Nazirliyi 140 Çin şirkətini müəssisə siyahısına əlavə etməyi planlaşdırdığını açıqlayıb. Qeyd edək ki, məhsul və ya xidmətlər dövlətin xüsusi icazəsi olmadan müəssisə siyahısında olan şirkətlərə satıla bilməz.

ABŞ-nin ticarət naziri Gina Raimondo vurğulayıb ki, məhdudiyyətlər Çinin qabaqcıl hərbi texnologiyalar və silah sistemlərinin inkişafında çip texnologiyasından istifadəsinin qarşısını almaq məqsədi daşıyır.

Oxşar xəbərlər

Avropa İttifaqı ABŞ ilə yeni ticarət strategiyası hazırlayır

Financial Times: ABŞ Rusiyaya hərbi məhsul ixracatını dayandırması üçün Türkiyəyə xəbərdarlıq edib

Ödəniş edilmədən parklanma yerinin tərk edilməsinə görə cərimə artırılıb

Konqo Prezidenti: Əsas məqsədimiz COP29-da yeni təşəbbüsləri gündəmə gətirməkdir

Azərbaycan İstanbulda Türk Ticarət Sərgisində iştirak edir - FOTO