ABŞ-da Respublikaçılar Partiyasından prezidentliyə namizəd Donald Tramp istehza ilə ABŞ-ın nəhəng dövlət borcundan xilas olmaq üçün yol tapdığını açıqlayıb.

APA xəbər verir ki, o, bu barədə tərəfdarları ilə təkbətək görüşdə danışıb.

“Bəlkə biz ABŞ-ın 35 trilyon dollar borcunu kriptovalyuta ilə ödəyəcəyik. Kiçik bir kağız parçasına yazacam: “35 trilyon dollar kriptovalyuta – borcumuz yoxdur”. Bu mənim xoşuma gəlir.”, - deyə Tramp bildirib.

Bundan əvvəl amerikalı sahibkar İlon Mask ABŞ-ın yüksək dövlət xərclərinə görə iflasla üzləşə biləcəyini bildirmişdi.

2023-cü ildə qlobal dövlət borcu 100 trilyon dolları ötüb. Bu borcun təxminən üçdə biri ABŞ-ın payına düşür.

Bu ilin iyul ayında ABŞ-ın borcu tarixdə ilk dəfə olaraq 35 trilyon dolları keçib. Analitiklərin fikrincə, yaxın onillikdə Amerikanın dövlət borcunun həcmi 54 trilyon dollara çata bilər.

Oxşar xəbərlər

ABŞ-da dövlət borcunda rekord artım proqnozlaşdırılır

Fransanın baş naziri ölkənin borcunun 3 trilyon avronu keçdiyini bildirib