ABŞ Prezidenti Co Bayden İsrailin Baş naziri Benyamin Netanyahu ilə telefon danışığında Qəzza zolağına humanitar yardımın həcminin və sürətinin artırılmasının vacibliyini bildirib.

AZƏRTAC xəbər verir ki, bu barədə Ağ Evin mətbuat xidmətinin yaydığı bəyanatda deyilir.

Sənəddə qeyd edildiyi kimi, Bayden və Netanyahu Qəzza zolağındakı vəziyyəti müzakirə ediblər, Amerika lideri İsrailin öz vətəndaşlarını qorumaq hüququnu qeyd edib, beynəlxalq humanitar qanunlara riayət etmək və mülki insanları qorumaq zərurətini vurğulayıb.

“Prezident Qəzzanın mülki əhalisinin ehtiyaclarını ödəmək üçün humanitar yardım axınının dərhal və əhəmiyyətli dərəcədə artırılmasının vacibliyini vurğulayıb”, - deyə məlumatda bildirilir. Bayden və Netanyahu həmçinin girovların, o cümlədən ABŞ vətəndaşlarının tapılması və azad edilməsi səylərini müzakirə ediblər. Onlar birbaşa və milli təhlükəsizlik üzrə köməkçiləri vasitəsilə mütəmadi olaraq məsləhətləşmələri davam etdirmək barədə də razılığa gəliblər.

Oxşar xəbərlər

ABŞ Prezidenti və İsrailin Baş naziri Qəzzada baş verənləri müzakirə ediblər

ÜST Qəzza zolağına humanitar yardımın çatdırılmasını bərpa etməyə çağırıb

Blinkenlə Fidan Vaşinqtonda nələri müzakirə etdi?

Netanyahu İrana xəbərdarlıq etdi

BMT TŞ ərəb ölkələrinin Qəzza ilə bağlı qətnaməsinin səsverməsini təxirə salıb