Avropa İttifaqının (Aİ) “missiyası” növbəti dəfə Azərbaycan sərhədində müşahidə aparıb.

“Sizinxeber.az” xəbər verir ki, fevralın 12-i saat 10:09-da Ermənistanın Keşişkənd rayonunun Arpa yaşayış məntəqəsi istiqamətində yerləşən Ermənistan silahlı qüvvələrinin döyüş mövqeyinə 2 ədədinin üzərində Avropa İttifaqının və 1 ədədinin üzərində Beynəlxalq Qızıl Xaç Komitəsinin (BQXK) bayrağının olduğu 3 ədəd yolsuzluq avtomobili və Ermənistan Silahlı Qüvvələrinə məxsus 1 ədəd "UAZ Patriot" markalı avtomobilin gəlməsi, 2-i hərbçi və 4-ü mülki şəxs olmaqla ümumilikdə 6 nəfər şəxsin ərazidə müşahidə aparması, digər döyüş mövqeyinə hərəkət edərək Azərbaycan mövqeləri istiqamətində foto və videoçəkiliş etməsi Azərbaycan tərəfindən qeydə alınıb.

Missiya nümayəndələri saat 11:54-də ərazini tərk edərək geri qayıdıblar.

Aİ və BQXK-nın nümayəndələrinin ərazidəki fəaliyyəti Azərbaycan Ordusunun bu istiqamətdə yerləşən bölmələri tərəfindən vizual və texniki vasitələrlə müşahidə edilib.

Oxşar xəbərlər

Azərbaycan Ordusunun Kəlbəcər istiqamətindəki mövqeləri atəşə tutulub

Mövqelərimizə partlayıcı vasitələr atıldı - RƏSMİ

Bu gün 4 nəfər üzərində Aİ bayrağı olan 2 avtomobildə Gorus istiqamətində yerləşən döyüş mövqeyinə gələrək əraziyə baxış keçirib

Kəlbəcərdə erməni təxribatının qarşısı alındı - RƏSMİ

Azərbaycan Ordusunun mövqeləri Naxçıvan istiqamətində yenidən atəşə tutulub