Azərbaycanda qastroturizmin inkişafı fəaliyyət istiqamətlərimiz arasında xüsusi yer tutur.

“Sizinxeber.az” xəbər verir ki, bunu Dövlət Turizm Agentliyinin sədri Fuad Nağıyev, Dövlət Turizm Agentliyi və Qərbi Azərbaycan İcmasının təşkilatçılığı ilə Bakıda keçirilən “Qərbi Azərbaycanın Qastronomiya Günü” tədbirində deyib.

"Bu istiqamətdə fəaliyyətimiz yalnız qastronomik turların təşkili və ya milli mətbəximizin tanıdılmasını ehtiva etmir. Eyni zamanda, regionlarda unudulmuş, qədim dadları üzə çıxarmaq, biomüxtəlifliyi qorumaq və yerli qastronomiyanın tanınmasına nail olmaq da qastroturizmin inkişafına daxildir", - F.Nağıyev qeyd edib.

O bildirib ki, qədim Azərbaycan yeməklərinin aşkara çıxarılaraq nəsillərdən-nəsillərə ötürülməsi bizim həm də mənəvi borcumuzdur:

"Bu, yalnız kulinariya nümunələri deyil, həmçinin yerli adət-ənənələrin, milli mədəni irsin və yerli mədəniyyətin qorunub saxlanması, dünya irsinə qazandırılması deməkdir".

Oxşar xəbərlər

Bakıda yeni turistik istiqamətlər yaradılacaq

Azərbaycan Serbiya ilə turizmin inkişafı üzrə memorandum imzalayacaq

Azərbaycan və Albaniya turizm sahəsində əməkdaşlıq istiqamətlərini müəyyən ediblər

Qərbi Azərbaycan İcmasında Milli Mətbuat Günü qeyd olunub

Azərbaycan və Kamboca turizmi inkişaf etdirir: Vyetnam və Laosa kombinə edilmiş turlar da mümkündür